2008/09 EUSKAL LIGA 1. JARDUNALDIA

Gaur jokatu da Larrabean denboraldi berri honetako 1. jardunaldia, gure taldetik Koldo, Lander, Jon, Carlos, Jose Luis, Oihana, Iñaki eta idazten ari den hau joan gara, ordu aldaketa izan dugu gauean, eta arazo txiki batzuk sortu dituen arren, ez da larregikoa izan.

Gaur Kiowa talde bezala estrenatu dira, 90 arkulari apuntatuta, eguraldi zoragarria, harrera gunean indiar tipi bat, eta animali berri asko, horren emaitza ibilbide bikain bat izan da.

Neri patruilan Jose Mari, Larri, John eta Alfredo egokitu zaizkit, eta giro onean aritu gara, lehenengo animalia, guztiz inklinatuta zegoen mufloi bat, gainera urrun samar, jarri duenarekin eta bere familia guztiarekin oroitu garela uste dut, baina tiro polita zen egia esan. Ibilbidea normalean egiten dutenaren kontrako norantzan izan da, erlojuaren orratzen kontra. Guztietatik gehien gustatu zaidana, eta beste askori ere berdina entzun diot, erreka bazterrean zegoen basurdea, goitik behera jaurtitzeko, benetan polita.

Esan behar patruilan guztiok "irabazi" dugula otartekoa jateko aukera, eguzki epelaren azpian gustura asko jan duguna.

Hemendik zorionak Kiowa taldeari egindako lanagatik, segi horrela! Gainera baso honek ematen dituen aukerak ikaragarriak direla uste dut, aldiko ibilibide desberdin bat ikusteko aukera dugu, hor dago kirol honen aberastasuna.

Argazkiak

2008ko Arabako Txapelketa

Igandean jokatu zan Legutianon Mercedes taldeak antolatuta Arabako Basoko Txapelketa. Gure taldetik Jose Luis, Iñaki, Koldo, Joseba eta bostok joan ginen, laguntzaile bezala Jose Luisen emazte Bego.

Goizean hotz egiten zuen, eta basoaren barruan igarri genuen, eguzki izpiak jasotzen genituenean ondo eskertzen zen benetan. Arku berria estrenatu nuen nik, longbow bat, soilik egurrezkoa, fibrarik gabe, eta patruilan Amadeo, Andres eta Landerrekin egokitu zitzaidan. Arkuarekin gustura amaitu nuen, larregi ez jo arren, eta ibilbidearekin zer esanik ez, oso polita, distantziak ondo, tiroak ederrak, eta gure arteko giroa bikaina.

Datorren igandean hurrengo hitzordua, baso berean, baina lehiaketa desberdina, Euskal Liga hasten da, eta antolatzaile lanetan Kiowa taldea, Mercedes taldean egin duten lana ezagutzen dugu, eta espero dugu oraingoan ere ongi egingo dituztela gauzak.