Atzo elkartu ginen Gaintzako pinudian, Ordiziako arku taldeak eta Gipuzkoako federazioak antolaturiko Gipuzkoako Basoko 3D txapelketan. Guztira 55 bat partehartzaile, irekia zenez Bizkaiatik, Arabatik, Nafarroatik eta Errioxatik hainbat arkulari etorri ziren.
Eguraldia beroa, eta zegoen hezetasunarekin bero sentsazio handiagoa. Ibilbidea oso ondo zegoen jarrita, beti egin ohi duten bezala. Tiro politak, ez zeuden larregiko urrun ere, nahiz eta batzuk benetan zeudena baino urrutiago zeudela ematen zuen.
Niri patruilan Antonio Vidriales, John Margüello eta Alberto Martinekin egokitu zitzaidan, lehen biak oso parekatuta ibili ziren, puntu dexente eginaz, ni aldiz normalean baino okerrago, lo gutxi eginda, beroa, konpetizio falta...
Gipuzkoako txapeldunak Xabier Gaztañaga Long Bowan, Mikel Fernandez biribilduan eta Martin Martinez librean izan dira. Emaitza osoak ikusi nahi izanez gero, jo Gipuzkoako federazioaren orrira. Zoritxarrez emakumezkoen mailan ezin izan da txapelketarik ospatu, ez delako gutxieneko kopurura iritsi.
Hurrengo ekitaldia Legutiano Saria izango da, irailaren 23 eta 24an, informazio gehiagorako: Arco-Mercedes taldearen orrira jo.
No comments:
Post a Comment