Monday, November 19, 2018

3Dko 2018ko Gipuzkoako XX. Txapelketa

Atzo, azaroak 18, aurtengo Basoko arkutiraketako Gipuzkoako Txapelketa jokatu zen Gaintzan. Aldi berean aurtengo Gipuzkoako Open ligako azken jardunaldia izan zen, eta duela gutxi gure artetik joan zen Ordizia taldeko Irune Lacalle aretxabaletarraren 1. oroigarria.

Aspaldiko partez 75 arkularik parte hartu genuen, kopuru polita, gure taldetik 4. Hasierako agurra euriak egin zigun, minutu bateko isilunea egin genuen lehiaketa hasi aurretik.

Euriak ordea ez zuen asko iraun, eta udazkeneko goiz fresko batez gozatzeko aukera eduki genuen guztiok.

Arku biluzian emaitza onak lortu zituzten gure 2 taldekidek, Gipuzkoako txapeldun berria bait da Imanol Galdos, eta 3.a Iñaki Odriozola, gainera Iñaki ligako azken sailkapenean ere 3. geratu da. Zorionak bikote!

Hemendik aprobetxatu nahi dugu Ordiziako taldea zoriontzeko!

Emaitzak ikusteko.



Wednesday, September 19, 2018

10 San Migel Sariaren emaitzak

41 partehartzaile bildu ginen igandean Basoko 3D Arkutiraketako X. San Migel Sarian, era berean Gipuzkoako Open Ligarako 3. jardunaldia zena. Euskal Herriko arkulariez gain, Cantabria eta Burgostik ere etorri zen jendea. Gure taldetik 10 izan ginen.

Eguraldiak asko lagundu zigun, eta jendea pozik geratu zen. 4 arku mota bereizten dira, eta emakumezko gutxi zeudenez, sailkapenak absolutuak izan ziren. Hauek izan dira txapeldunak:

- Arku konposatua: Simon Marcos, Ordizia taldekoa
- Arku instintiboa: Javier Varona, Elgoibarko Zarta taldekoa
- Longbow: Pedro Antonio Martin, Burgosko Carabeo taldekoa
- Arku biluzia: Juanjo Rueda, Portugaleteko Arkunautak taldekoa. 3. postuan Imanol Galdos gure taldekidea sailkatu da.



Gipuzkoako presidente den Pedro Sanzek grabatutako bideoa:


Hemendik eskertu nahiko genituzke bertaratu ziren arkulari guztiak, Gipuzkoako Arkutiraketa Federazioa eta Mikel Genua epailea, eta nola ez tirada aurrera eramaten lagundu ziguten guztiak.


Thursday, August 02, 2018

10. San Migel Saria

Irailaren 16an jokatuko da aurtengo San Migel Saria, Gipuzkoako Open ligako 3. jardunaldia izango dena aldi berean. Aurten 10. ekitaldia izango da, lekutan geratu da 1. aldiz antolatu genuena, Usako-Belatxara inguruetan izan zen orduan, azkenaldian Zozopase inguruan, Aizkorri-Aratz natur parkearen barruan, antolatu ditugu, eta aurten ere horrela izango da.

Izena emateko eta informazio gehiago lortzeko.

Ondo pasa udako oporretan.

Basoan elkartuko gara!


Friday, July 13, 2018

Aspaldiko partez, mugimendu pixka bat eta web berria

Ia 3 urte pasa dira blogeko azkeneko sarreratik, horrek ez du esan nahi ordea Txantxiku Arkulariak taldea lozorroan egon denik. Batez ere basoko 3D arkutiraketako txapelketa eta tiraldietan parte hartzen jarraitu dugu, eta urtean tirada pare bat antolatzen ere bai, hain gustokoa dugun Zozopase inguruan, Aizkorri-Aratz natur parkearen barruan.

Taldeko web orria berritu eta helbidea aldatu dugula jakinarazteko aprobetxatzen dugu sarrera hau, ea gustokoa duzuen web-a.

Irailaren 16an Basoko Arkutiraketako 10. San Migel Saria antolatuko dugu Zozopasen, aurtengoan Gipuzkoako Open Ligarako puntuagarria izango dena. Bertan ikusiko garelakoan, gozatu udaz!

Monday, September 21, 2015

VII. San Migel Sariaren emaitzak

Atzo Basoko Arkutiraketako VII. San Migel Saria ospatu zen Oñatin, Zozopase inguruan, Arantzazun, Aizkorri-Aratz Natur Parkean. Aurrez baina, 2015eko Autonomien Arteko Ligako 5. jardunaldirako eta Gipuzkoako Open Ligako 3.erako puntuagarria izan zen beste ibilibide bat osatu genuen. Beraz 20 postuko bi ibilbidek osatu zuten  jardunaldia, uda bukaerako eguraldi zoragarriaren laguntzarekin.
70 arkulari inguruk hartu dute parte, hauetatik 12 emakumezkoak, eta 6 gaztetxok ere bai, harrobia. Hauek izan dira parte hartu duten arkularien taldeak: Arabatik, Amurrio, Aurrera eta Kiowa, Bizkaiatik Abanto Gezaleriak, Santurtzi eta Zugaztieta, Gipuzkoatik Diarco, Ordizia eta Txantxiku Arkulariak eta Nafarroatik Lakarri, Salesianos, ARco Iruña, Tudela, Arco Ribera eta Compañía de Arqueros de Olite.
Bi ligetarako puntuagarria zen ibilibdea bukatu ostean, indarrak hartzeko atseden bat eduki dugu, ezin eskertu gabe geratu SUSTRAI Fruta Dendak eskeini dizkigun frutak.
Emakumezkoetan, arku biluziko lehenengo saria Amurriora joan da, arku biribildu eta zuzenekoa berriz Nafarroara. Gizonezkoetan arku libre eta biribilduko sariak Ordiziara eta arku zuzenekoa Nafarroara joan dira, etxean geratu diren sari bakarrak arku biluzian izan direlarik, Txantxiku Arkulariak taldeko Ander Letamendi, Gaizka Otadui eta Martin Letamendik osatu baitute podiuma.

Bestalde parte hartzaile guztiak eskertzeaz gain, lanean lagundu ziguten guztiei ere gure esker ona adierazi nahi diegu lerro hauen bidez, guztion partehartzeak egiten baitu posible horrelako jardunaldi bat antolatzea.

Goienako berria.

OK Magazinea.

Argazkiak ikusteko.

Juan Jose Ruedaren argazkiak

Friday, September 18, 2015

VII. SAN MIGEL SARIA - PATRUILAK

Hemen daude iganderako patruilak.

Ligako tirada.

San Migel Saria.

Iganderako eguraldi ona aurreikusten da, ea zorte hori daukagun!

Tuesday, September 08, 2015

VII San Migel Saria

Irailaren 20rako VII. San Migel Saria antolatzeko buru-belarri ari gara Txantxiku Arkulariak taldekook. Egunean bertan aurtengo Autonomien Arteko Ligako 5. jardunaldia, eta Gipuzkoako Open Ligako 3. jardunaldia ere egingo da.

Tiradako zirkularra.

Aurten berritasun bezala bi ibilbide prestatuko ditugu. Ea ba eguraldiak laguntzen digun.

Basoan ikusiko dugu elkar!!

Izena emateko

Behin behineko zerrenda ikusteko

Oharra: Kotxean bakarrik igoten ez dugu utziko, ahalik eta jende gehienak kotxean igotzeko aukera izan dezan, gogoratu 15 kotxera mugatuta dugula