Udako Ikastaroak

Aurten udaletxetik eskatu ziguten udako kirol ikastaroen barne arkutiraketa sartzeko, eta horrela egin dugu. 11tik 14 urte bitarteko 9 mutiko apuntatu ziren, eta bi txandetan banatatuta astean 2 orduko ikastaroa egin dute uztailean zehar.

Bukatzeko, azkenengo egunean Ugartondoko basora joan ginen, aurreko ostegunean, eta han baso ibilbide bat egin genuen, 7 mutiko eta 4 nagusi tartean. Ondo bukatzeko hamaiketako ederraz gozatu genuen! Denak ere oso gustura amaitu dute ikastaroa, bat edo bestek jarraitzeko gogoa erakutsi digute gainera.

Argazkiak

Araiako jaiak

Araiako jaietan arkutiraketa erakustaldi bat egiteko konpromezua hartu genuen duela hilabete pare bat, eta gaur egin dugu. Rafa, Enaitz, Oihana eta laurok botatzen, eta Mikel, Ainhoa, Lierni eta Iñaki laguntzan, eguraldia lagun giro bikaina sortu da Araiako futbol zelaian.

Adin guztietako jentea gerturatu da, guztiak harrituta gelditu dira dianen partez animaliak ikusi dituztenean. Ordu pare bateko erakustaldia izan da, bai hasieran bai amaieran guk bota ditugu gezi batzuk, bestela Araia eta inguruetako jenteak arkua zer den ezagutzeko aukera izan dute. Gustora geratu dira, gu ere bai noski, ondoren bazkaltzera gonbidatu baikaituzte. Bazkalostean berriz, jaigiroaz gozatu, herrikirol saioa ikusi, eta martxa Oñatiruntz.

Hemendik eskerrak Araiako udalari eta gerturatu diren guztiei.