Igandean Larrabean izan ginen, gure taldetik aspaldiko partaidetzarik handiena egon zen, eta espero dugu horrela igotzen joatea, ikustera etorri ziren 2 arkulariek hurrengoan parte hartuko dutelakoan. Lander, Joseba, Josu eta Jon gaztetxoak, eta Koldo, Rafa, Iñaki, Mikel, Oihana ta ni ez hain gaztetxoak, osatu genuen hamarrekoa.
Larunbatean euria egin zuen, eta bazirudien igandean ere agertuko zela, baina izugarrizko eguraldi bikaina eduki genuen, eta horrela gustura botatzen da. Patruilan Rafa, Mikel, Matias eta Alfredo izan nituen lagun, guztiekin lehenago botatzeko aukera izan dudan arren, Rafarekin batera botatzen nuen lehenengo aldia izan zen. Ikusle bezala Jose Luis eta Bego emaztea etorri ziren, ea Jose Luis eta Jon semearekin joan zen Carlos ere hurrengoan animatzen diren.
Igandean Mercedes taldekoek aukeratu zuten baso zatia oso polita da, bere harizti eta pagoekin, eta tiroak ere ederrak benetan, batzuk teknikoak, beste batzuk zailak, beste batzuk errazak, orokorrean puntu dexente egiteko moduko ibilbidea, nire kasuan ez zen halakorik gertatu, hobetu egin beharko dugu hurrengorako, bestela benetan kenduko didate bokadiloa...
Eguraldia lagun, giro bikaina izan genuen patruilan, eta esango nuke orokorra izan zela hori, jente guztia pozik ikusten zen amaieran, Mercedes taldekoek egin zuten lan onak merezi zuen bezala. Gainera haurrentzako ibilbide alternatibo bat montatu zuten jente guztia ondo ibiltzeko, eta igarri zen, ez zen jente pilaketarik egon, eta hori eskertzen da.
Otartekoa jan ostean taldeko argazkia atera ziguten, eta ondoren gipuzkoarrena, tartean Coro, Matiasen emaztea, guretzako argazkiak ateratzen. Hemen jartzen dut bai Corok eta bai Iñakik ateratako argazkiak ikusteko linka.
Argazkiak ikusi
Berriro ere, mila esker Mercedes talde osoari, eta nola ez Corori.
