Gaur jokatu da Gaintzan San Sebastian saria, Oñatitik Iñaki, Mikel, Rafa, Joseba eta bostok joan gara, ikusle bezala Adri bere aitarekin, eta Josebaren aita. Hegoaize hotz bat eduki dugu goiz osoan, euririk ez du egin, baina freskura ederra eduki dugu!
Atzo Basurrek gomendatu bezala, katiuskekin joan naiz, eta eduki dugun lokatzara piloa ikusi eta gero, ez naiz damutzen. Jente ezaguna agurtu, eta beroketak egiten ari ginela, Sesma azaltzen ikusi dugu, ia-ia ezagutu ere ez, a ze nolako "look" aldaketa!!
Patruilan Mikel Ena, Mikel Jareño eta Enekorekin egokitu zait, aspaldiko partez patruila batean nagusiena ni izan naiz, adinari dagokionez behintzat! Nire ustetan tiroak politak izan dira, baten batzuk urruntxo egon arren. Guk amaitu, otartekoa jan, eta oraindik bizikleteroak iristeko!!! Bizikleten ordez motortxo bat hartu beharko dute bizkorrago ibiltzeko!!
Gaur ez da modalitate bereizketarik egin, amaieran koefiziente batzuk aplikatu zaizkie, eta hauek kontutan hartuta 3 arkulariko 4 talde egin dituzte, txabolaren azpian jarritako 4 dianetara taldeka lehiatzeko. Animazio apur bat emateko kiniela bat egin dugu, Rafak ordena igarri du, baina saria Martinek eraman du, puntuetan gertuago egotearren. Kontua da egin duen haize finarekin, itxaroten egon garen denboran hoztu egin garela, baina gaurko moduko eguna aproposa da arkuarekin aritzeko, euririk egiten ez duen bitartean...
Hurrengo hitzordua Gaintzan izango da baita ere, orduan euskal ligako 2. jardunaldia jokatuko da otsailaren 3an, ihauteri igandean, mozorrotutako jenterik egongo al da?
