XIII. San Migel Saria - Gipuzkoako Ligako 2. jardunaldia

Gaur jokatu da Zozopase inguruan Basoko Arkutiraketako XIII. San Migel Saria, aldi berean aurtengo Gipuzkoako Ligarako jardunaldi puntuagarria izan dena. Euskal Herriko arkulariez gain Burgos, Soria eta Galiziako arkularien presentzia izan dugu, guztira 57 partehartzaile bildu gara, hauetatik 7 gure taldekoak.

Pagadian primerako giroaz gozatu ahal izan dugu. Ezin aipatu gabe utzi Imanol Galdosen 2. postua arku biluzian, eta Martin Letamendiren eta Koldo Elorzaren 3. postuak arku biluzian eta konposatuan hurrenez hurren.

Sakatu hemen sailkapenak ikusteko.

Argazkiak hemen.

Partehartzaile guztiei eskertzeko aprobetxatzen ditugu lerro hauek. Gure ohiturari jarraituz, hurrena datorren udaberrian egingo dugu.

2021-05-30 Gipuzkoako 3D ligako 1. jardunaldia

 Gaur jokatu da Aizkorri-Aratz parke naturalaren barruan, Zozopase inguruan, aurtengo Gipuzkoako 3D liga irekiko 1. jardunaldia. Eguraldi zoragarriaz gozatzeko aukera eduki dugu.

Gure taldekideen artean ezin aipatu gabe utzi Koldo Elorzaren eta Imanol Galdosen hirugarren postuak arku konposatuan eta arku biluzian hurrenez hurren.

Sailkapenak ikusteko.

Argazkiak ikusteko. (Gabriel Lopezek, Juanjo Ruedak eta Javi Varonak ere bidali dizkigute argazkiak. Eskerrak bidaltzen dizkiegu hemendik)

Hurrengorarte!!

Gipuzkoako Ligako 1. jardunaldia - Udaberriko tirada

 Maiatzaren 30ean, egungo egoerak baimentzen badu, udaberri aldean antolatu ohi dugun basoko 3D arkutiraketako jardunaldia antolatuko dugu Zozopase inguruan. Gipuzkoako 3D Ligako 1. jardunaldia izango da aldi berean, eta izenemateak Gipuzkoako Arkutiraketa Federazioan egin daitezke

 Egungo egoerak eskatzen dituen osasun eta segurtasun neurri guztiak aplikatuko ditugu bertan, parte hartzaile bakoitzak emailez jasoko du egun horretarako osasun protokoloa.

Basoan elkar ikusiko dugulakoan!