Mercedes Sariko Argazkiak

Sarean daude atzo Iñakik ateratako argazkiak, hor ikus daiteke basoaren edertasuna!

argazkiak ikusteko

Mercedes Saria

Gaur Larrabeako basoan eduki dugu hitzordua, Mercedes saria jokatu da bertan. Oñatitik Carlos eta Jon, Koldo eta Lander, Intz, Mikel, Rafa, Oihana eta idazten ari den hau joan gara, Iñaki berriz argazkilari bezala. Joseba eta Josu ere etortzekoak ziren, baina parranda larregi egin zuten atzo antza denez... Arrasate aldetik Markel bakarrik agertu da, Beñatek beste planen batzuk zituen.

Rafa hartu dugunean jendea parrandan zegoen oraindik, jaiak izan baitira, larregi deskantsatzeko aukerarik gabe beraz Rafa, eta beste batzuk ere lo gutxi eginda... Arazorik gabe heldu gara Larrabeara, betiko jentea agurtu, eta beroketa guneruntz abiatu gara. Gaurkoan azkenengo aldiarekin alderatuz, erlojuaren orratzen eran izan da ibilbidea.

Patruilan 4 oñatiar eta Ruben gasteiztarra, Jonek erakutsi digu, piketa zuritik bota arren, ondo moldatzen dela arkuarekin. Nagusien artean berriz Rafa eta Rubenen arteko lehiatxoa eduki dugu ia amaieraraino, azkenean gasteiztarrak ihes egitea lortu duen arren. Tiroak oso politak, gora, behera, altura berdinean, animali txiki xamarrak nahiko hurrun, gainera baso desberdinetan aritu gara, pinudia, pagadia, hariztia, benetan zoragarria. Diana batzuetatik hurrengorako distantzia ikusita, ibilalditxoak egin behar izan ditugu, ondo etorri zaizkigunak.

Neri gehien gustatu zaizkidan tiroak pagadian behera, etzanda zegoen orein bat, nahiko urrun zegoena, eta zerbait goranzka zegoen otsoa, ni ere harrituta geratu naiz hor, nire bi geziak ondo ikusten nituen piketatik, gerturatu, eta a zelako poza, biak bihotzean!

Eguraldia ere lagun izan dugu, tenperatura egokia, euririk ez du egin, amaitzean ere otartekoak beti bezala bikainak. Sari banaketa ikusi dugu, ia gehienak Ordiziako taldekoak ziren, tarteka Mercedes edo Diarco taldekoak sartu direlarik.

Zorionak bide batez Mercedes taldeari, oso ongi muntatuta zegoelako ibilbidea, eta mila esker egindako lanagatik!

Iñakiren argazkien zain geratzen gara...

Ugartondoko basoa

Aurreko ostiralean, zubia aprobetxatuz Ugartondo baserriaren inguruan dagoen basoan bildu ginen ibilbidetxo bat egiteko. Gonbidatu berezi bat ere eduki genuen, Amadeo.

Gure asmoa, goiza pasatzeaz gain, eta horretarako eguraldiak lagundu zigun, basoa Amadeori erakustea zen, bere iritzia eskatzeko. Irailean jokatuko den basoko 3D txapelketa Oñatira ekartzea nahi dugu, eta baso hau egokia iruditzen zaigu, aparkatzeko lekua badagoelako, eta herritik nahiko gertu geratzen delako.

Amadeok bere oniritzia eta gomendioak eman zizkigun, eta eguna ondo borobiltzeko Zañartuko soziedadera joan ginen bazkaltzera, Liernik nahiko lan egin zuen guztiontzako bazkaria gertatzen, portatu zen bai!

Beraz badakizue, Oñatin daukagu hitzordua iraileko 2. igandean.

Ostiraleko argazkiak