Gaurkoan Gaintzan genukan hitzordua, astean zehar egin duen eguraldia ikusita, eta batez ere atzo bota zituen euri zaparraden ostean, ez genekien ze eguraldi izango genuen gaur, eta behintzat aterri egon da tiradak iraun duen denporan, bastante dela.
Goizeko 8retan elkartu gara, Koldo eta Lander, Carlos eta Jon, Intz, Mikel, Iñaki, Jose Luis, Rafa eta idazten ari den hau. Gaintzako "aparkaleku"-ra iritsi, arkuak muntatu eta txabolaruntz, materialaren ikuskapena pasatu, betiko jentea agurtu, apur bat berotu eta patruiletan bildu gara, nirean Rafa, Felix, Alfredo eta Jon egokitu zaizkit. Aurreko tiraldirarte Rafarekin inoiz patruilan elkartu gabe nintzen, azkenengo bietan berriz batera.
Lokatza pila bat, kontuz ibili beharreko bideak dianatik dianara, eta txantxa moduan lehenengo ipurdikoa hartzen zuenak trago batzuk atera behar zituela komentatu dugu, hortik gutxira entzun dugu norbait erori eta sorbalda atera zaiola, guk ez genekien ezer, baina gero enteratu gara Jose Luisek deitu didalako gure Iñaki izan dela eroritakoa, "paciencia y buenos alimentos" gazteleraz esaten den bezala, arkua berriro hartu orduko ondo osatu beharko zaio sorbalda!
Tiro luzeak nagusi, eta jente pilaketak eragozteko 4 diana gehigarri, lastima ez zutela puntuatzen. Amaitzen ari ginela beste dei bat, Axen, Iñakirekin dagoela Zumarragako ospitalean, oraindik ez diotela sartu sorbalda.
Amaitzean jentea Iñakiren egoeraren gainean arduratuta, gu geu ere bai, bizkor samar irten dugu, Rafa eta biok joan gara Zumarragara, Axen eta Iñaki hartu, berriz Axen Gaintzan utzi, Ordiziako taldekideekin apur bat egon, eta etxeruntz. Normalean baino beranduago iritsi gara etxera, baina beste lehentasun batzuk eduki ditugu.
Gaur nabarmendu behar Rafaren tirada polita, oso gustura aritu dela komentatu du, eta igartzen zen egin duen puntuazioan, eta jo dituen animalietan. Jose Luisen tirada ere ezin komentatu gabe utzi, berarentzako lehenengoa izan da, Larrabean ikusle bezala ibili zen, eta espero dut azkenengoa ez izatea!
Hemendik eskerrak Ordiziako taldeari egun eder bat pasarazteagatik, eta bereziki Axeni, besarkada bero bat! Gaurkoan Iñaki ondo zaintzeagatik, Mila Esker!
No comments:
Post a Comment