Sunday, June 08, 2008

Bukatu da aurtengo Euskal Liga

Gaur izan da basoko 3D Euskal Ligako 5. eta azken jardunaldia Ordizian. Goizeko 8retan irten dugu Koldo, Lander, Jose Luis, Markel, Rafa, Iñaki eta zazpirok euripean Oñatitik Gaintza aldera. Gaintzara gerturatu ahala eguraldia hobetzen joan da, azkenean egun polita izan dugu, eta horrelakoetan eskertzen da.

Berotzeko asti gabe ibili gara, bakoitza bere patruilako kideekin elkartu gara negutegien aldamenean, hor banatu dizkigute planilak, eta hasi dugu ibilbidea. Patuilan Alfredo eta Felix donostiarrak, eta Yoli gasteiztarra lagun. Tiro oso politak eduki ditugu, gainera normalean egoten direnekin alderatuta gertu. Nik nere marka pertsonala hobetu dut, poztekoa da benetan. Landerrek, Jose Luisek eta Markelek ere, denbora gutxi daramatela kontutan hartuta, tirada ona egin dute.

Gure artean ere giro onean joan gara, batez ere ikusita ondo sartzen genituela geziak, eta puntuek goraka egiten zutela. Nahiko goiz amaitu dugu, eta amaierako otartekoa ondo eskertu digu sabelak, gainera beti bezala oso ona.

Orain Granadako liga nazionala hil honen 22an eta Euskadiko txapelketa, datorren hilaren 6an geratzen zaizkigu gertuen, basoari dagokionez beti. Ea gaurko

Itzuleran Udanan geratu egin behar izan dugu, Euskal Bizikletako azken etapa pasatu da ta bertatik.

No comments: