Sunday, November 30, 2008

Kiowaren estreinaldia

Gaur Legutianon izan gara, Koldo, Lander, Iñaki eta laurok. Neguko giroa izan dugu nagusi, ibilibidearen momentu batzuetan elurra eta guzti egin digu, baina uste dut bastante errespetatu gaituela eguraldiak.

Neri patruilan Amadeo, Basur, Jose Migel eta Diegorekin egokitu zait, bostok ere longbowarekin. Orokorrean lortu diren puntu kopurua txikia izan da, baina nik batez ere aspaldian egin dudan markarik txarrenetakoa egin dut, gehiegizko erropak zirela, arkua zela, arkularia zela... nork jakin benetako arrazoiak...

Ibilbidea hasi aurretik kafesne beroa Tipi barruan, guretzako ibilbidearen erdia zenean gutxi gora behera, salda beroa tipi ondoko karpapean, eta amaieran ere salda, otartekoa, edariak, pastak eta kafea ez dira faltatu. Aldo errioxarrak ardo botila batzuk ekarri ditu, eta bastante harrera ona eduki dute. Gainera ardo botila horietako bana "sari" bezala jaso dugu Basurrek, Koldok, Kikek eta nik neuk. Ez dago gaizki, normalean saririk ez baitugu irabazten.

Hurrengo hitzordua guretzako horren arrotza den "sala" batean izango dugu, abenduaren 14an Gipuzkoako Txapelketa baitugu Elgoibarren.

No comments: