Sunday, December 14, 2008

2008ko Gipuzkoako Aretoko Txapelketa

Gaur izan da Aretoko Gipuzkoako txapelketa, Oñatitik Koldo, Lander, Iñaki eta laurok joan gara, guztira 52 arkulari ginen izena emandakoak, baina bateren batek ezin izan du joan.

Kiroldegian hotz izugarria pasatu dugu, basoan ez dugu horrenbeste hotz pasatzen, mugimenduan ari garelako izango da.

Batzuk ia ezin izan dute parte hartu, jantzita zituzten bakero frakengatik, arauak ez du mota hortako frakarik baimentzen, niri, eta han ginen guztioi ez zaigu oso normala iruditzen, baina araua horrela badago errespetatu egin beharko da.

Lehenengo 60 gezien ostean, tabernan hamaiketako bat izan dugu, oso ondo etorri dena. Gero kanporaketak jokatu dira, ni gero txapeldun irten duen Javierrek kanporatu nau. Lander bakarrik zegoen bere kategorian, eta Iñakik gutxigatik eta Koldok ez dute lortu kanporaketetara pasatzerik.

Eskerrak burua lepoari lotuta daukadan, Oñatira itzultzean konturatu bainaiz geziak ez ditudala hartu, kiroldegian utzi ditut, espero norbaitek hartuko zituela...

No comments: